Wienerherz Die Welt, a jeda jammert nur rum, und maant, er is nur a winzichklaans Trumm. 'd Leit glaum, du muasst ollaweul glicklich sein, wern deppat, dann hasch'ns oder saufn s zvü Wein. Dabei gheat 's dazu, ihr Madln und Buam, de grossn, de klanan, a i oide Ruabm. Des is do wia auf an richtign Weg, moi is a no brad, daunn a winziga Steg. Daunn host amoi Stana, muasst di zuwe lahna. Kenntast olle daschiassn, wos muass ma do biassn. Owa geh, d Sunn, de scheint do so sche a für di. Heast, schau, olles leiwand, is a guade Partie. A jeds Spü hod amoi schlechte Koatn, Muasst hoit neich mischen, und a wengal woatn. Geh schau, da Heagott schaut do owe zu dir, der losst di net auglahnt, kumm, lahn di zu mir. Heast Schatzl, weng mir aus kaunnst a amoi trutzn, i klopf dar aum Buckl, tuast di du moi vakutzn. Für des samma jo fiaranaunda do. Kumm her, Zwutschgal, i wisch da d Tränan o. De Liab, de nimmt net, de gibt a so vü, de mocht di so stoak, is a wundaboas Gfüh.zurück
Wiener Mädels A echta 'Wiena geht net unter. aa d' Wienarin, de is putzmunter. A Floschn sauf ma liaba aus. Nur Hauptsoch, ich hob kaane z'haus. Von Bottln hob ich echt scho gnua. Geh kumm, jetzt säul die o, mei Bua. Host echt mich vü zu laung sekkiert, und host 's no imma net kapiert. Waunn ana nur mit 'd Lendn denkt, heast Oida, hätt i ma des g'schenkt Geh, nua in deine wüdn Tram, do bist no do bei mia dahaam. Geh putz di, geh a Pfeifal paff'n, i tua mi ohne dia darafn. Etzt hob i endlich moi mei Ruah. Geh kumm, etzt drah die endlich, Bua!
